Plantun de Prouvènço

Pèr coumpara dos planto d'encò nostre

Orchis provincialis & Juniperus thurifera

Orchis provincialis

Orchidaceae

Nom en français : Orchis de Provence.

Descripcioun :
Lou gau-de-Prouvènço es un Orchis pas bèn grand e prim que trachis dins li bos clar e li champino, pulèu sus sòu séusous. La labreto, jauno emé de taco roso, èi di tres partido. La flour a un long esperoun. Apoundèn que li fueio soun tóuti basalo e tacado de negro.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 15 à 30 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Orchis
Famiho : Orchidaceae

Ordre : Aspargales

Coulour de la flour : Jauno
Petalo : irreguliero
Ø (o loungour) flour : 15 à 24 mm
Flourido : Printèms

Sòu : Si (Ca)
Autour basso e auto : 0 à 1200 m
Aparado : Vo
Mars à mai

Liò : Bos clar - Champino
Estànci : Termoumediterran à Mesoumediterran
Couroulougi : Eurimediterrano
Ref. sc. : Orchis provincialis Balb. ex DC., 1806

Chai

Juniperus thurifera

Cupressaceae

Noms en français : Genévrier thurifère, Porte-encens.

Descripcioun :
Aquéu chai (noum generi dóu genèbre en mountagno) trachis sus li pendis secarous e cauquié à l'adré d'ùni mountagno. Douno d'èr au mourvèn emé si fueio en escaumo, pamens pòu deveni un pichot aubre. Se destrìo tambèn de la sabino que si grano soun pu grosso (1 cm de diamètre en liogo de 0,5 cm). Lou chai es uno reliclo dóu tèms ounte fasié mai fre e pu se en Éuroupo (-10 000 an B.P.). Trachis forço lentamen.

Usanço :
Soun bos s'apourridis quàsi pas talamen èi dur. Servié à faire de piquet, de cop que i'a de pichòti fusto, de moble o de pichòti besougno (porto-encèns).